El piteru ta bien revueltu col resultáu algamáu por "Podemos" nestes eleiciones europees. Nun hai más que ver la 1 de TVE, lleer El País, ABC, escuchar a Federico Jiménez; tamién a los cabezaleros del PP. La "progresía" (El País) trátalos con condescendencia, pero como si fueren daqué antiguu y, amás, ximielgando pantasmes del pasáu. Asina, Luís Gómez (El País del 27 de mayu) diz: "En sus mítines suena el No pasarán y viejas canciones de la Guerra Civil. Hay un aroma de izquierda profunda, de comunismo renacido, de viejas proclamas y puños levantados". Pa los demás medios y pal PP son "ultraizquierdistes" o la "extrema izquierda". Nada nun m'abulta y hasta ye lóxico, pues estos mesmos dicen qu'el PSOE ya Izquierda Xunida son d'izquierdes, polo tanto, daqué a la izquierda d'estos tien de ser "ultraizquierdista".
Dexando esta babayada de quién ye d'izquierdes o de si ún ye más d'zquierdes qu'otru, el casu ye que nada nun lleí nin sentí tocante a que "Podemos" seyan un movimientu o un partíu que tea pol valtiamientu del capitalismu. Más bien paez que ta por afitalu bien afitáu. El so programa eleutoral, puntu tituláu "Recuperar la economía, construir la democracia", nun dexa de ser puru "reformismu" del capìtalismu, que, polo tanto, dexa intáuta la llibertá d'esplotación na que consite'l dichu sistema económicu. Llega a creer qu'un bancu, nada menos que'l Bancu Central Européu, pue convertise "en una institución democrática para el desarrollo económico de los países" (puntu 1.3); tamién fala d'una "Reorientación del sistema financiero para consolidar una banca al servicio del ciudadano" (puntu 1.5). Vemos que los principios burgueses son dafechamente almitíos, pues acéutase a la banca como institución y acéutase tamién el conceutu de "ciudadanu", en cuentes del de "clas" u otru asemeyáu. ¿Qué pasa, que la banca nun ta al serviciu de los ciudadanos? Pues claro que lo ta, pero al d'unos ciudadanos en particular. Y asína too. Puru reformismu. Vamos, el principiu lampedusianu de camudalo too pa que nada nun camude, pues los sofitos del capitalismu: llibertá d'esplotación, de derechos avenceyaos a "ciudadanía" y non a clas y de democracia formal, caltiénense como hasta agora.
Dexando esta babayada de quién ye d'izquierdes o de si ún ye más d'zquierdes qu'otru, el casu ye que nada nun lleí nin sentí tocante a que "Podemos" seyan un movimientu o un partíu que tea pol valtiamientu del capitalismu. Más bien paez que ta por afitalu bien afitáu. El so programa eleutoral, puntu tituláu "Recuperar la economía, construir la democracia", nun dexa de ser puru "reformismu" del capìtalismu, que, polo tanto, dexa intáuta la llibertá d'esplotación na que consite'l dichu sistema económicu. Llega a creer qu'un bancu, nada menos que'l Bancu Central Européu, pue convertise "en una institución democrática para el desarrollo económico de los países" (puntu 1.3); tamién fala d'una "Reorientación del sistema financiero para consolidar una banca al servicio del ciudadano" (puntu 1.5). Vemos que los principios burgueses son dafechamente almitíos, pues acéutase a la banca como institución y acéutase tamién el conceutu de "ciudadanu", en cuentes del de "clas" u otru asemeyáu. ¿Qué pasa, que la banca nun ta al serviciu de los ciudadanos? Pues claro que lo ta, pero al d'unos ciudadanos en particular. Y asína too. Puru reformismu. Vamos, el principiu lampedusianu de camudalo too pa que nada nun camude, pues los sofitos del capitalismu: llibertá d'esplotación, de derechos avenceyaos a "ciudadanía" y non a clas y de democracia formal, caltiénense como hasta agora.
Comentarios
Publicar un comentario