El 5 de mayu del 2014, espublizaba El País una encuesta de Metroscopia y un artículu del so Presidente José Juan Toharía. El títulu de la información yera "Los jóvenes quieren cambio y no revolución". Y agora van les entrugues de les cuáles les sos contestaciones lleven al dichu titular.¿Con cuál de las siguientes opiniones sobre el sistema económico actual está más de acuerdo? a) La actual crisis ha puesto de manifiesto que el sistema económico actual, TAL Y COMO ESTÁ ORGANIZADO Y FUNCIONA, está agotado y no da más de sí. b) El actual sistema económico tiene defectos e insuficiencias importantes pero remediables y una vz corregidos podrá volver a funcionar como antes.
Si a la vista del títulu de la información la empresa dueña del periódicu quería saber si la mocedá ta o non pola revolución ¿por qué nun lo entrugó de frente? Yera bien cenciello: ¿Está vd. a favor de la revolución para acabar con el capitalismo? Pero, non, ¡cómo se va facer esta entruga! Tala cosa fadría pensar a la xente y, al meyor, la contestación sedría mui otra.
Entós lo que se fai ye manipuliar fonderamente l'asuntu.
A) Les entrugues dan por supuesto que'l sistema, talu como ta entamáu y funciona, ta escosáu pa toos, cuando esto nun ye asina nin de lloñe, pues como mos dicen un día sí y otru tamién los medios, nesta crisis los ricos ficiéronse más ricos y los probes, más probes. Polo tanto, esti "sistema económico actual" ye perbonu pa unos pocos y enforma malu pa munchos.Nada que nun supiéremos pero que la encuesta quier tapecer.
B) Fálase de "sistema económico actual". ¿Qué quier dicir "actual"? Que yo sepa nun ye tan "actual", pues ta vixente dende'l 1789, anque costó llantalu unes cuantes decádes y unes cuantes guerres, pero paez que tol mundu ta d'acuerdu que la cayía del antiguu réxime, el feudal, y el nacimientu d'esti, el capitalista, foi nesa fecha, na de la revoluciòn francesa. Entós eso d' "actual" ¿a qué se refier? ¿a un sistema ecomómicu d'estos díes diferente del nacíu nel 1789? Como se ve, el casu ye volver a tapecer la realidá nun llamando a les coses pol so nome; y, asina, podría pensase que "actual" contraponse a otru sistema económicu d'unos años atrás que sí funcionaba bien, yá qu'esti, l'actual, d'acordies cola primera proposición, solo foi esta crisis la qu'amosó que nun yera a funcionar correutamente. La manipuliación rescampla: ¡cómo si esti sistema fuera d'antesdayeri y esta fuera la so primera crisis! ¿Cuántes llevamos dende la de 1929, por nun dir más p'atrás?
C) La primera entruga nun almite dulda, pues dexa perclaro que'l "sistema económico actual", talu y como ta entamáu y funciona, "está agotado". Entós, según la entruga, ye posible entamalu y facelu funcionar d'otra manera, colo que nun habría razones pa cambialu. Vemos otra gran manipuliación, pues el sistema capitalista, dende 1789, talo y como dixeron Marx y Engels, y la historia amuesa, tien crisis cícliques por razón de la so mesma naturaleza. Polo tanto, lo que diz la entruga ye falso: l'arreglu ye de momentu y hasta la siguiente crisis. Otra vegada tapeciendo, agora, la historia.
D) La segunda propsición ye la mesma que la primera. Efeutivamente. Nesta víemos que'l sistema ta escosáu porque ta mal entamáu, lo que inmediatamente suxier que podemos entamalu d'otra manera y facelu funcionar bien; agora, na segunda, dícennos qu'esti sistema tien deféutos importantes pero que tienen igua y, entós pue volver a funcionar como antes. ¡Contestemos lo que contestemos siempre tamos d'acuerdu con que'l sistema actual tien igua! Por cierto que la segunda entruga fina diciendo "volverá a funcionar como antes", ye dicir, bien, pues sinón nun s'entiende esi "antes". Tampoco nun se diz hasta ónde algama "antes" ¿cinco, diez, venti años?
La mipuliación, pues, ye total: nun se llama al "sistema económico actual" pol so nome; les dos entrugues tienen sofitu nel mesmu fechu que se da, amás, por supuestu: "el sistema económico actual" tien igua; y nun se diz cuándo esti sistema funcionó bien y lo que ye capital, pa quién funcionó bien. ¡Y con estes entrugues el periódicu quería saber si la mocedá ta o non pola revolución!
Tocante al artículu del Presidente de Metroscopia, dexando de llau lo acabante de dicir y el fechu de que naide nun entnrugó sobre la revolución nin naide nun quixo saber otra cosa que si se taba d'alcuerdu con dar unos "retoques" al "sistema económico actual", digo, el dichu artículu fai una descrpción de la mocedá que nun dexa esperanza dala, pues como diz Toharia, magar que persaben cómo tan y el fututu que-yos espera, ello "no los aboca a la amargura, al derrotismo o al cinismo. Tampoco a la rebeldía violenta".Dicho n'otres pallabres, les míes, la mocedá nun tien en mente nengún cambéu fonderu, revolucionariu. Los xóvenes solo aspiren, como diz Toharia (anque a él, claro, paez-y bien) a que los que representen al sistema económicu actual, a los que los tienen como los tienen y van caltenelos asina, seyan los que reformen el sistema, pero ensin tocar el so sofitu fonderu: la llibetá pa siguir esplotando. ¡Tamos apañaos!
Si a la vista del títulu de la información la empresa dueña del periódicu quería saber si la mocedá ta o non pola revolución ¿por qué nun lo entrugó de frente? Yera bien cenciello: ¿Está vd. a favor de la revolución para acabar con el capitalismo? Pero, non, ¡cómo se va facer esta entruga! Tala cosa fadría pensar a la xente y, al meyor, la contestación sedría mui otra.
Entós lo que se fai ye manipuliar fonderamente l'asuntu.
A) Les entrugues dan por supuesto que'l sistema, talu como ta entamáu y funciona, ta escosáu pa toos, cuando esto nun ye asina nin de lloñe, pues como mos dicen un día sí y otru tamién los medios, nesta crisis los ricos ficiéronse más ricos y los probes, más probes. Polo tanto, esti "sistema económico actual" ye perbonu pa unos pocos y enforma malu pa munchos.Nada que nun supiéremos pero que la encuesta quier tapecer.
B) Fálase de "sistema económico actual". ¿Qué quier dicir "actual"? Que yo sepa nun ye tan "actual", pues ta vixente dende'l 1789, anque costó llantalu unes cuantes decádes y unes cuantes guerres, pero paez que tol mundu ta d'acuerdu que la cayía del antiguu réxime, el feudal, y el nacimientu d'esti, el capitalista, foi nesa fecha, na de la revoluciòn francesa. Entós eso d' "actual" ¿a qué se refier? ¿a un sistema ecomómicu d'estos díes diferente del nacíu nel 1789? Como se ve, el casu ye volver a tapecer la realidá nun llamando a les coses pol so nome; y, asina, podría pensase que "actual" contraponse a otru sistema económicu d'unos años atrás que sí funcionaba bien, yá qu'esti, l'actual, d'acordies cola primera proposición, solo foi esta crisis la qu'amosó que nun yera a funcionar correutamente. La manipuliación rescampla: ¡cómo si esti sistema fuera d'antesdayeri y esta fuera la so primera crisis! ¿Cuántes llevamos dende la de 1929, por nun dir más p'atrás?
C) La primera entruga nun almite dulda, pues dexa perclaro que'l "sistema económico actual", talu y como ta entamáu y funciona, "está agotado". Entós, según la entruga, ye posible entamalu y facelu funcionar d'otra manera, colo que nun habría razones pa cambialu. Vemos otra gran manipuliación, pues el sistema capitalista, dende 1789, talo y como dixeron Marx y Engels, y la historia amuesa, tien crisis cícliques por razón de la so mesma naturaleza. Polo tanto, lo que diz la entruga ye falso: l'arreglu ye de momentu y hasta la siguiente crisis. Otra vegada tapeciendo, agora, la historia.
D) La segunda propsición ye la mesma que la primera. Efeutivamente. Nesta víemos que'l sistema ta escosáu porque ta mal entamáu, lo que inmediatamente suxier que podemos entamalu d'otra manera y facelu funcionar bien; agora, na segunda, dícennos qu'esti sistema tien deféutos importantes pero que tienen igua y, entós pue volver a funcionar como antes. ¡Contestemos lo que contestemos siempre tamos d'acuerdu con que'l sistema actual tien igua! Por cierto que la segunda entruga fina diciendo "volverá a funcionar como antes", ye dicir, bien, pues sinón nun s'entiende esi "antes". Tampoco nun se diz hasta ónde algama "antes" ¿cinco, diez, venti años?
La mipuliación, pues, ye total: nun se llama al "sistema económico actual" pol so nome; les dos entrugues tienen sofitu nel mesmu fechu que se da, amás, por supuestu: "el sistema económico actual" tien igua; y nun se diz cuándo esti sistema funcionó bien y lo que ye capital, pa quién funcionó bien. ¡Y con estes entrugues el periódicu quería saber si la mocedá ta o non pola revolución!
Tocante al artículu del Presidente de Metroscopia, dexando de llau lo acabante de dicir y el fechu de que naide nun entnrugó sobre la revolución nin naide nun quixo saber otra cosa que si se taba d'alcuerdu con dar unos "retoques" al "sistema económico actual", digo, el dichu artículu fai una descrpción de la mocedá que nun dexa esperanza dala, pues como diz Toharia, magar que persaben cómo tan y el fututu que-yos espera, ello "no los aboca a la amargura, al derrotismo o al cinismo. Tampoco a la rebeldía violenta".Dicho n'otres pallabres, les míes, la mocedá nun tien en mente nengún cambéu fonderu, revolucionariu. Los xóvenes solo aspiren, como diz Toharia (anque a él, claro, paez-y bien) a que los que representen al sistema económicu actual, a los que los tienen como los tienen y van caltenelos asina, seyan los que reformen el sistema, pero ensin tocar el so sofitu fonderu: la llibetá pa siguir esplotando. ¡Tamos apañaos!
Comentarios
Publicar un comentario