Cuando hai eleiciones millones de persones voten. Hailos, de xuru, que lo faen porque viven del sistema y ye lóxico que quieran caltenelu. Estos son los que tan nos aparatos de los partíos políticos, sindicatos, los diputaos, los senadores, los conceyales, los miembros de los estremaos gobiernos (centrales, federales, regionales y autonómicos), los altos cargos de les Alministraciones, que tan ehí porque los pon el partíu y pue que los parientes de tolos anteriores, sobre too si viven d'ellos. Como digo, estos ye lóxico que vayan votar, pues que'l sistema siga funcionando como lo fae, ye la única manera que tienen de salir p'alantre, ye, como persabemos, el so "modus vivendi". Otros que tan bien interesaos en qu'esto siga asina, y, por eso, tamién ye fácil que vayan a les urnes cuando hai eleiciones, son los de la clas esplotadora, pues esti sistema, qu'ellos llamen "democráticu, ye'l que-yos garantiza que puean siguir medrando a costa del trabayu de los demás. Toos estos a los que toi acabante de referime, como dicía, ye oxetivamente lóxico que vayan votar, pues nello va-yos, lliteralmente, la vida; las disapaición de les eleiciones o, como-yos presta dicir, "la democracia", como métodu pa escoyer a quienes van ocupase de caltener el sistema económicu, lleva a la falta de seguranza; y eso nun-yos convien pa nada. Con esto quiero dicir que si pasara dalgo paecio a lo que ta pasando en Tailandia, a l'actual casta política acabaríase-yos el "chollu·, pues sedríen otros (otra casta) los que se fadríen col poder; y pa la clas capitalista, sedría un gran incomeniente, pues anque'l sistema económicu ta garantizáu, igual yá nun tienen el mesmu tipu de control y, claro, acábase cola engañifa del "sistema democráticu" que tan bien-yos vien. Poro, ¡viva la democracia!
Dempués d'estos tan los que voten porque creen nel sistema, porque creen que esto ye una "democracia", porque piensen que votando puen camudar dalgo, escoyer al que manda y coses asina. Estos, y por referime solo a España, hailos a millones; y la únca esplicación que veo pa xustifcar el so comportamentu -¡y encima, nesti país, voten al PSOE, PP, IX, UPyD, etc, etc!- ye que nun tienen espíritu críticu, nun saben historia, nun tienen memoria o son unos conformistes del tipu de "y, entós ¿qué facemos? ¿Nun ye esto, según mos dicen, lo menos malo?" Esta xente nun ve o nun quier ver que, dende que tenemos "democracia" n'España (1):
- la clas trabayadora nun fizo otra cosa que perder derechos llaborales (un exemplu, a ca axuste llaboral, ensin esceición, les condiciones de los despidos empeoren pa los trabayadores y ameyoren pa los empresarios: dicho n'otres pallabres, ca vegada ye más barato, más fácil echar a un trabayador a la cai). - las clas política ca vegada ta más corrompía.
- pasamos delles crisis económiques, col costu n'emplegos, salarios y toles demás llaceries que traen consigo y que, pa munchos, yá nun ameyoren nunca.
- los partíos políticos anecíen en dicir y facer siempre lo mesmo con tal de siguir nel poder.
- nun hai estremamientu dalgunu ente'l PP y el PSOE (los dos -en realidá tolos partíos del arcu parllamentariu- aceuten dafechamente el capitalismu).
- tolos partíos políticos reconcen que los que manden son los "mercaos", pues la política económica faese d'acordies colo qu'estos esixen, o seya, según lo que manda xente que nun se presenta a les eleiciones. La babayería d'esta xente nun conoz llende, pues viendo, y de xuru padeciendo, lo que ta pasando, ellos siguen igual, creyendo que votando y diendo a manifestaciones y poniéndose en fuelga unos díes al añu, dalgún día podrá camudase dalgo.
Va tiempu, saqué una semeya a una "pintada" en Lisboa que dicía "A arma e o voto do pobo". Dalgo enforma estremao del principiu burgues-capitalista de que el voto es el arma del pueblo.
(1) N'otros países pasa igual, anque lleven más años de "democracia". ¿O ye qu'eso de los "mini jobs" n'Alemania ye un trunfu de los trabayadores? ¿o nun va yá bien d'años que'l SPD'aceuto'l capitalismu?
Dempués d'estos tan los que voten porque creen nel sistema, porque creen que esto ye una "democracia", porque piensen que votando puen camudar dalgo, escoyer al que manda y coses asina. Estos, y por referime solo a España, hailos a millones; y la únca esplicación que veo pa xustifcar el so comportamentu -¡y encima, nesti país, voten al PSOE, PP, IX, UPyD, etc, etc!- ye que nun tienen espíritu críticu, nun saben historia, nun tienen memoria o son unos conformistes del tipu de "y, entós ¿qué facemos? ¿Nun ye esto, según mos dicen, lo menos malo?" Esta xente nun ve o nun quier ver que, dende que tenemos "democracia" n'España (1):
- la clas trabayadora nun fizo otra cosa que perder derechos llaborales (un exemplu, a ca axuste llaboral, ensin esceición, les condiciones de los despidos empeoren pa los trabayadores y ameyoren pa los empresarios: dicho n'otres pallabres, ca vegada ye más barato, más fácil echar a un trabayador a la cai). - las clas política ca vegada ta más corrompía.
- pasamos delles crisis económiques, col costu n'emplegos, salarios y toles demás llaceries que traen consigo y que, pa munchos, yá nun ameyoren nunca.
- los partíos políticos anecíen en dicir y facer siempre lo mesmo con tal de siguir nel poder.
- nun hai estremamientu dalgunu ente'l PP y el PSOE (los dos -en realidá tolos partíos del arcu parllamentariu- aceuten dafechamente el capitalismu).
- tolos partíos políticos reconcen que los que manden son los "mercaos", pues la política económica faese d'acordies colo qu'estos esixen, o seya, según lo que manda xente que nun se presenta a les eleiciones. La babayería d'esta xente nun conoz llende, pues viendo, y de xuru padeciendo, lo que ta pasando, ellos siguen igual, creyendo que votando y diendo a manifestaciones y poniéndose en fuelga unos díes al añu, dalgún día podrá camudase dalgo.
Va tiempu, saqué una semeya a una "pintada" en Lisboa que dicía "A arma e o voto do pobo". Dalgo enforma estremao del principiu burgues-capitalista de que el voto es el arma del pueblo.
(1) N'otros países pasa igual, anque lleven más años de "democracia". ¿O ye qu'eso de los "mini jobs" n'Alemania ye un trunfu de los trabayadores? ¿o nun va yá bien d'años que'l SPD'aceuto'l capitalismu?
Comentarios
Publicar un comentario